ආදර සම්බන්ධතා වලදි සහ විවාහ ජීවිත වල ගැටුම් ඇතිවන්න ප්‍රධානතම හේතුන් අතර එකිනෙකාගේ සිත් හදුනා නොගැනීම මම ඇතැම්විට දැකපු දෙයක්. ගොඩක් වෙලාවට කාන්තාවන්ගෙන් පිරිමින්ට කරන ප්‍රධානතම චෝදනා අතරේ පහත දෙබස් කීපය ඔබට, ඔබේ කනට හුරු ඇති.
"ඉස්සර ඔයා ඔහොම නෑ, දැන් ඔයා මාව ගනන් ගන්නේ නෑ, ඉස්සර ඔයා කොච්චර දේවල් මාත් එක්ක කතා කරනවද".
ඒ වගේම පිරිමින්ගෙන් කාන්තාවන් වෙත නිතර නැගෙන චෝදනාවක් තමා
"මල වදේ , කනක් ඇහිල ඉන්න නෑ, කියවනවා කියවනවා ඉවරයක් නෑ"
බොහෝ වෙලාවට කුලුදුල් ආදරයක සිටින අයනම් මේ වගේ දේවල් කියන්න යන්නේ නෑ, එහෙම උනොත් ඉතින් ලවු එක ඉවරයි.
ඉහත දෙබස් වල ස්වරූපය පුද්ගල ස්භාවය මත වෙන්න පුලුවන්.
ඉතින් මම දැන් කතාවට බහිනව. ආදරය කරන බොහෝ දෙනෙක් සිතාගෙන ඉන්නේ ගැහැනු සහ පිරිමි වෙනස් වන එකම කාරනය ලිංගිකත්වය විතරයි කියල. ඒ අය හිතාගෙන ඉන්නේ අපි හැමෝගෙම සිත් එක වගේ කියල, අන්න එතනයි අපිට වැරදුනේ.
ජීවීන් ලිංගිකව බෙදෙන කොට ඒ දෙගොල්ලන්නේ ශාරීරික සහ මානසික ස්වභාවය සෑහෙන්න වෙනස් වෙනව. ඒකනේ කොල්ලො කෙල්ලොන්ටයි, කෙල්ලො කොල්ලොන්ටයි ආකර්ශනය වෙන්නේ.
සිත් සර්ව සම වුනානම් මල කෙලියයි. කෙල්ලො කෙල්ලොන්ට ♀+♀ ලවු කරයි, කොල්ලො කොල්ලොන්ට ♂+♂ ලවු කරයි. සමහර වෙලාවට කලාතුරකින් මේවගේ තත්වයන් අපිට සමාජයේ අහන්න දකින්න පුලුවන්. ඒව ඉතින් අසාමාන්‍ය දේවල්. මම මෙතනදි නිරෝගී ජාන සම්භවයක් ඇති අය ගැන විතරයි කතා කරන්නේ.
මම කැමතියි ඔයාලව මීට වසර 50,000 විතර ඈත අතීතයකට ඔයාලව අරගෙන යන්න. හෝමෝසේපියන් සම්භවය වසර 400, 000 - 250, 000 ත් අතර දිව ගියාට වත්මන් මිනිසාගේ ආදි මුතුන්මිත්තන් අප්‍රිකාවේ සිට තාක්ශනයක් සහිතව අනෙකුත් ප්‍රදේශවලට වයාප්ත වුනේ මීට වසර 50,000 ඉස්සර. ඉතින් ඔය කාලේ සමාජය මේ අපි ඉන්න සමාජය තරම් සංකීර්ණ නෑ. හැමෝටම තිබ්බේ එකායන බලාපොරොත්තුවක්, ඒ නොනැසී සිටින්නේ කොහොමද කියන එක.
මුලින්ම කලේ මේ අය වෙන වෙනම කන්ඩායම් සෑදෙන එක. මේ කන්ඩායම් වල කාන්තාවන්, පිරිමින් සහ දරුවන් සිටිනව. ශක්තිවන්ත පිරිමින්ට කාන්තාවන් සමග එකතුවෙන්න පුලුවන් වෙනව. එක අතකින් ඒක හොද දෙයක්, මොකද ඒ නිසා උපදින පරම්පරාවත් පියා වගේ ශක්තිවන්ත අය වෙන්නට තියෙන ඉඩ කඩ වැඩියි.
රැහේ ඉන්න පිරිමි ටික කරන්නේ වනයට ගිහින් දඩයම් කරන එක. ඉතින් පිරිමි මානවයන් බොහෝ විට තනිව සතුන් එන තැන් රැකගෙන සිටීමට දවසෙන් වැඩි කාලයක් ගන්නව. ඔවුන් දවසෙන් වැඩි කාලයක් කලේ නිහඩව සිටීමයි.
ඉතින් සොභාවදහමෙන් ඔවුන්ට අඩු වචන ප්‍රමාණයක් කතනය කිරීමේ හැකියාවක් ලබා දුන්න. සාමාන්‍යෙන් පිරිමියෙක්ට දිනකට කතා කල හැක්කේ වචන 7000ක් වගේ ප්‍රමාණයක්. ඉන් එහාට කතා කරන්න ගිහොත් ඔවුන් සෑහෙන්න වෙහෙසකට සහ මානසික ආතතියකට පත් වෙනව.
ඒ වගේම මම කිව්ව පිරිමින්ට එක ඉලක්කයක් වෙනුවෙන් සෑහෙන්න වෙලා ඉන්න පුලුවන් කියල. ඒනිසයි පිරිමි ඔය ආදරය කරන කෙල්ලෙක්ට ට්‍රයි කරන කාලේ ගස් අස්සේ ඉදන් මල් පදුරු අස්සෙ හැංගි හැංගි, එහෙමත් නැත්තං කෙල්ලොන්ගෙ ගෙවල් ඉස්සරහට වෙලා බස් හෝල්ඩ් ගානේ කට්ට කන්නේ. කෙල්ලොන්ට මේක බැලූ බැල්මට "අනේ පව් ඒ අයියා මං වෙනුවෙන් කන කට්ට" වගේ වුනාට, ඔය කාලෙදි කොල්ලොන්ට ඕක ඒ හැටි ගානක් නෑ.
දැන් ඔය කතා කලේ පිරිමි සෙට් එක ගැනනේ, එතකොට ගැහැනු මොකද ඒ කාලේ ඒ කියන්නේ වසර 50,000 ක ඉදන් කලේ. ඒ ගොල්ලො කලේ පිරිමි ටික කැලේට ගියාට පස්සේ ලමයි ටිකයි අහල පහල ඉන්න ගැනූ ඔක්කොමත් එක්ක එකතු වෙලා කච කච ගගා කතා කරපු එක. අද කියලත් ඉතින් වෙනසක් නෑ,නාන ලිද ලග ගැහැනු එකතු වුනාම ලිදේ ඉන්න ගෙම්බොත් එලියට පනිනව. ගැහැනු කොච්චර කතා කරනවද කිව්වනම් පිරිමි දිනකට වචන 7000ක් කතා කරන කොට ගැහැනුන්ට සොභාවදහම විසින් වචන 20,000 ආසන්න වශයෙන් දිනකට කතා කරන්න පුලුවන්. ඉතින් දැන් තේරෙනවනේ කෙල්ලො ඇයි මෙච්චර කියවන්නේ කියල.
හැබැයි ඔය කොච්චර කියෙව්වත් තමන්ගේ දරුවන් ගැන සෑහෙන්න සෙවිල්ලෙන් පසුවෙන්න කාන්තාවන් අමතක කරන්නේ නෑ. අර ගැහැනුන්ගේ තියෙනවනේ බෝල ඇස්. ඒව CCTV වගේ එහෙට මෙහෙට කරකෝ කරකෝ බලනව ලමයි කොහෙද ඉන්නේ මොකෝ කරන්නේ කියල. හැබැයි පිරිමින්ට නම් ඕක බෑ..
පිරිමි ඉතින් එක ඉලක්කයක් දිහා දිගුවෙලාවක් බලාගෙන ඉන්නනේ හැඩ ගැහුනේ. ඒකයි ඔය කපල්ස් එහෙම පාරේ යනකොට එහා පැත්තෙන් ලස්සන කෙල්ලෙක් ගියොත් කොල්ලො ඇස් වෙනුවට ඔලුවයි කදයි බඩයි ඔක්කොම ඒ පැත්තට කරකෝල කෙල්ලගෙන් ගුටි කන්නේ.
හැබැයි කෙල්ලො මාර ස්මාර්ට්. කොල්ලට තේරෙන්නේවත් නෑ, කෙල්ලොත් ඔහොම හිටියට ලස්සනට ඇස් කරකෝල වෙන කොල්ලො දිහා බලනව. අවංකවම කියන්නේ ඒ බලන බැලිල්ල අර අසරනයට මලාට හොයා ගන්න බෑ.
මම කිව්වනේ පිරිමි ටික ගියාම ගැහැනු වෙනම සමාජයක් හදාගන්නව දොඩමලුවෙන්න කියල. ඒ නිසා ගැහැනු පිරිමින්ට වඩා සෑහෙන්න සමාජශීලියි. පිරිමි වගේ නෙමේ. ඒකනේ ඔය ඉස්කෝල වල පන්ති රැස්වීම් මෙහෙයවන්න වැඩි හරියක් යන්නේ කෙල්ලොනේ ඉස්සරහට.
ඉතින් දැන් තේරෙනව නේද මාණව පරිණාමය සිදුවෙච්ච ආකාරය ආදරයට කොච්චර බලපෑම් කරනවද කියල.
කොල්ලනේ.. කෙල්ල ඕනාවට වඩා කියවනව කියල අද ඉදන් ඒ අය ගැන තරහ ගන්න එපා, ඒ ගැහැනුන්ගේ හැටි.
කෙල්ලනේ.. කොල්ලො ඉස්සර වගේ කියවන්නේ නෑ කියල දුක් වෙන්නත් එපා. ඉස්සර ඔයාගේ හිත දිනාගන්න නානාප්‍රකාර දේවල් කලේ එක අරමුනක් ඇතුව, දැන් ඔයා ආදරේ කරනව කියන්නේ ඒ ඉලක්කය ජයගෙන ඉවරයි. සොභාවදහමට අනුව උන් දැන් නිහඩවෙන එක ගැන දුක් වෙන්න එපා.
මාණව ප්‍රරිණාමය නිසා මාණවයාට උරුම වෙච්ච හැකියාවල් සියුම්ව අද්‍යනය කලොත් ඔයාලගේ ආදරේ විටින් විට ඇති වෙන ගැටුම් සෑහෙන්න සමනය කරගන්න පුලුවන් වෙයි.
එහෙනම් මේ ලිපිය මෙසේ අවසාන කරනව. ඔයාලගේ අදහස් යෝජනා චෝදනා පහලින් කමෙන්ට් කරන්න අමතක කරන්න එපා.
ඔබ සැමට ජය!!
